الموت لیس فناء
یا جماعه الموت حاضرنه قریــــب
تصعد النفس الزکیّه ما تــــــــرد
امطرز ابموجات یجرن بل دمــوع
فی السماء ناقوسه دگ ما یستـرد
***
ناره شبّت اخضر او یابس تــدوس
تحرگ العریس لو جاله الخـــــبر
های دنیاک المزهیه یا انیــــــس
اتدرّس العاقل الف عبره او عِبـــَر
***
جالس احذاه او یجی علمه یـــدور
افلان ارحل و الدنیه زفّتـــــــــــه
اسباب موته اتصیر سهله للعبور
ودع اعیاله او حلاله او صحبـــته
***
چنّک افلاطون و اتحوچ الکــلام
عاین الگبلک مشه او سافر بعید
اعمل الصالح او طیع الله العزیـز
اقرا قصة ظالم الدنیه یزیــــــد
***
مو عجیبه الموت دواره یــدور
ابعد امن ادربه لا تعثر معــــاه
اعدل او صحی الکلام ابمخرجه
شیمه لل مرشد او للظالم دواه
***
الموت مو انتاج مصنوع البـــــــــشر
الموت صاله تنتقل فیه للســـــــــماء
ابطن امک من صرت و اتحاشدوک
ابقدرت الرب لقّبک حامی الحـمه
***
من الدنیا هل وسیعه تعتـــــــنی
الدار حگک ترجع الرب الجلیل
الجسم یبقی بلارض و انته تروح
الروح ما تنمحی هذا مستحــیل
***
الروح طیر او طایره فوق الجسد
اتشوفنه نلطم او فتحینه الصــدر
اتگول لا تبچون لجلی یا انـاس
ابچوا اعلی اذنوب دنیاکم ستـر
***
العمل و الطاعه یخی هوه المـــــلاک
لا تدوس البخت صدگک عـــــــدلّه
احترم خلق الله یحجی انته اشلفـاک
زیل کل غیضک او طبعک بدّلـه
***
الجنه مو تاجر او تشریهه بفلوس
الجنه بل تقوا او ضمیرک سلّــمه
الجنه مسکن للعبد رب الکـــمال
الجنه طاعه للحقوق الصارمـــــه
***
ماهی سهله تختبر دنیاک اجــیت
گذّرت عمرک ابهل بیدر تدوس
لو خطیت او تاب عنک هل زمان
جوز من کل شین لتبیع ابسبوس
***
الجنه لو ریّضت لل ناس ابجمــال
الجنه تهدیلک عمام او صدقه الک
ما فرق بین البشر کل هل نفوس
التقوا مفتاح الذّ ی من عاشرک
***
اقرا بلقرآن من سنت الرســول
ایباشر اصغار او کبار ابعزتــــه
لو رسول الله ایتمرحب بلــکلام
انت یاهو منتچی اعلی العفــرته
***
الموت دمامه یدگ لیل او نهــــــار
طارش او یحظر سفرته امعطــــره
اسباع ذلت له ابامر صاحب الکون
العاند الخالق رگبته امطــــــــبره
***
انه ویاک استمع نزل الغـــــــــرور
لا تکبر الجسد بلحجه او دلـــــــیل
المال امانه الکفن ما عنده جیــوب
صفی نیتک لا یضل دینک ثجــیل
***
و انت یلعالم او یلشاعر رجـــــــاء
وضّح احگوگ الله بل حکمه او نظر
اقراء مکتوب الجلاله بلتمــــــــام
لا تصعب الدین للماله مفّــــــــر
***
الدین نشعه الطافهه ماله مجـــــال
یرتخی امن الموت وایحشّم اعداه
ذولی دنیاهم ابجنتهم تــــــدور
لو جمع ظلّامها محد حمـــــــــاه
***
ارجوک فسّر زین واسمع هل قصید
ما شفت عوره تعرس فی النــــهار
یا مثقف ارسم الحق بل حــروف
زین لو شین الهدف عبرت بحّار
***
الجمل ما ینطرد یبنی ابمکنـــــــسه
لا تتربش صرت مثله للعجــــــــوز
فوگ ظهره الطوب شاله او ما حسر
بل حساده افلان ما ضنتی تفــــوز
***
جاسم محمد الحسانی الساری
09/06/1391
:: برچسب‌ها:
الموت لیس فناء ,
:: بازدید از این مطلب : 2084
|
امتیاز مطلب : 7
|
تعداد امتیازدهندگان : 3
|
مجموع امتیاز : 3
عضو شوید
عضویت سریع
آمار مطالب
آمار بازدید
